Помошни простории, работилница за изработка на грнчарија, куќа изгореа во пожарот што избувнал во два часот по полноќ во кумановското село Табановце. Во гаснењето на пожарот се вклучиле четири противпожарни екипи со десетина пожарникари.
– Пожарот е пријавен во часот по почноќ. Четири екипи го гаснеа, целосно е ликвидиран пред пладне денеска. Штетата е значителна, изјави командирот на ТППЕ Куманово, Дејан Илиевски.
И од полицијата потврдија дека денеска во 06.10 часот во СВР Куманово било пријавено дека во атар на кумановското село Табановце, настанал пожар во кој биле опожарени три помошни простории од куќа сопственост на С.Т.(54) од село Табановце. Полицијата извршила увид.
