Денеска (06.10.2022) од 07.00 до 12.00 часот на подрачјето на СВР Тетово спроведена е засилена акциска контрола на возила кои вршат јавен превоз на патници (автобуси и комбиња), во која биле откриени и законски санкционирани 12 прекршоци, односно констатирани недостатоци (ТЕ-10 и ГВ-2).
Пет од контролираните возила (ТЕ-3 и ГВ-2) имале неисправни сопирачки, исто толку биле со неизвршен технички преглед (ТЕ), 1 возило со неисправни други уреди (ТЕ) и 1 возило (ТЕ) со истечена регистрација.
Сите прекршоци се заокружени со изготвување на соодветни поднесоци, а санкционирани, исто така, се и 8 други видови сообраќајни прекршоци (ТЕ-3 и ГВ-5).