Во Галеријата „КОРА“ во Дом на култура „Кочо Рацин“ Скопје вечерва од 20 часот ќе биде отворена самостојната изложба на слики насловена „Осветлување, освестување, ослободување, о… “ од Ивона Велковска.

Делата на оваа самостојна изложба се работени во акрил и масло на платно, а настанати се во последните три години.

Ивона Велковска е родена 1975 во Мостар. Дипломирала на Факултетот за ликовна уметност, отсек сликарство, педагошка насока на Универзитетот „ Св. Кирил и Методиј“ во Скопје, во класата на професор Рубенс Корубин. Учествувала на 70 групни изложби во земјата и надвор, а реализирала и три самостојни изложби. Добитничка е на првата награда за минијатура. Член е на ДЛУМ од 1999 година и учествува редовно на годишните изложби на ДЛУМ.

Проектот е поддржан од Град Скопје и од ЈУ Дом на култура „Кочо Рацин“ – Скопје.