Скопскиот дувачки квинтет вечер ќе одржи концерт во Музејот на македонската борба во Скопје. На програмата се дела од: Моцарт, Љадов, Бизе, Гершвин, Агостини, Џоплин.
Скопскиот дувачки квинтет постои повеќе од четири децении и претставува дел од една традиција на камерна дружба меѓу плејада македонски уметници од дувачката фела. Овој камерен состав во текот на своето постоење изведува дела од светската ризница, како и дела од македонски автори.
Сегашниот состав го сочинуваат познати македонски уметници, членови на Камерниот орекстар Скопски солисти, Филхармонијата и Операта. Тоа се Васил Атанасов – обоа, Марија Јакимовска – флејта, Ристо Ѓоревски – кларинет, Орце Ицковски – фагот и Александар Гошев – хорна.