Во четврток (15 декември) во просториите на Кинотеката на Македонија, ќе се одржи промоција и проекција на филмот „Пред и после“ (Before and After) на македонскиот уметник Киро Урдин, со почеток во 20 часот.
Филмот „Пред и после“ на Киро Урдин е со дејствие во околината на реката Мара на територија на Кенија и Танзанија. Едно малу гну и едно мало бафало се родени во непосредна близина. На крајот од животот тие умираат еден покрај друг.
Документарецот е со времетраење од 46 минути. Режијата и сценариото се на Киро Урдин. Наратор е Роберт Миано од САД. Музиката е на Венко и Васко Серафимови. Камера: Бранд Ферро, Слаѓан Милошевски и Ан Вутерс (Белгија). Монтажа и звук: Владимир Петровски – Картер.
Киро Урдин е роден на 12 мај 1945 година во Струмица каде го завршува основното и средното образование. Дипломира на Правниот факултет во Белград. Студира на Академијата за применета уметност во Париз (1973/74 г.) Дипломира на Академијата за филм – Париз (1977 г.).
Од 1984 година до денес, професионално се занимава со сликарство. Од тогаш има реализирано над 100 самостојни и групни изложби во познати галерии и музеи.
Целата вест прочитајте ја на COOLTURA.MK
