„Фокус“ во септември минатата година пишуваше за тоа како Ансамблот за албански народни ора и песни ги троши парите и како работи во однос на транспарентноста.

Врз основа на ова, во текот на октомври Секторот за управен и инспекциски надзор извршил вонреден инспекциски надзор.

При надзорот било утврдено и ненаменско трошење на пари.

„Извршен вонреден инспекциски надзор и при тоа, меѓудругото е утврден прекршок по член 70-а став (4), казнив по член 91-а став (1) алинеја 7 и став (2) од Законот за културата, односно ненаменско трошење на дел од преведените средства од Буџетот на РСМ, преку МК за 2020 година, потврдуваат од Министерството. Спроведена е постапка за порамнување и е издаден прекршочен платен налог на одговорното лице на Установата, директорот Шкодран Толај, а глобата е платена во законски предвидениот рок (за сторен прекршок по Законот за културата).“

Освен прекршочниот платен налог, никој не бара одговорност од директорот за кој е утврдено дека ненаменски трошел народни пари

Шкодран Толај, оперскиот тенор од Косово на чело на Ансамблот е од 2019 година.

На Фејсбук може да се најде и едно видео кое го објавил Толај каде тој и неговата сопруга му пеат на Ахмети „на уво“ вечерта по вториот круг од локалните избори кои се одржаа лани. На видеото Толај напишал: Xhaxhi!, што во превод значи вујко/чичко.