Нели викаме да не се правиме сите здравствени стручњаци. Арно ама го гледам министерот Дамјан Манчевски на 24 Вести станал експерт за коронавирус. Си викам: можеби тој повеќе знае од нас! Што би рекле некои, тој е „ИН“ а јас сум „АУТ“. Според неговото инкажување, главна причина што има зголемен број на заболени од Ковид-19 е зголемениот број на тестирања. Не само зголемен број на тестирања туку внимавјте добро: „сега ги тестирале и асимптоматските“.
Ова го истакнува лидерот на ГРОМ, Стевчо Јакимовски.
„Е сега, за моето аутзнаење се наметнуваат две прашања:
Прво, ако сега се тестираат асимптоматски граѓани зошто сега имаме зголемен број на мртви во однос на претходниот период.
Второ, денеска сме тестирале 971 лице а од нив се заболени 175 лица. Србија која е четири пати поголема од Македонија, денес тестирала 4965 граѓани од кои 71 лице се позитивни на Ковид-19.
Компарацијата е многу добар метод за разбивање на „лажните вести“ инаку СДСМ многу се бори против лажните вести.
Дамјанче е сеуште млад и затоа постар Чичо ќе му каже: Во Србија 1,4% од тестираните се заразени од коронавирусот а во Македонија скоро 18%.
Жал ми е што се вакви бројките, не им се ситиме ама кога извртуваат тези ќе ги удриме ни горе ни доле, ни лево ни десно туку право во центар – со компаративна анализа.
Не се компарираме со Германија туку со Србија„ -пишува тој на својот Фејсбук профил.
