Договор за заеднички придонес во спроведување на дел од мерките за намалување на смртноста на мајките и на новороденчињата во Република Македонија ќе биде потпишан денеска од министерот за здравство Венко Филипче и директорката на Фондот за население на Обединетите нации (УНФПА) за Македонија, Доина Болога.
Со договорот се обезбедуваат вкупно пет милиони денари. Половина од нив обезбедува Владата, додека другата половина УНФПА.
Договорот е усогласен со Програмата на УНФПА за Македонија за за периодот 2016-2020 година, како и со едно од приоритетните национални прашања.
По потпишувањето изјави за медиумите ќе дадат министерот Филипче и заменик – регионалниот директор на УНФПА, Иан Мекфарлан.
