УХМР за денеска најави дожд кој во моментов го зафати главниот град Скопје, а освен тоа истиот е проследен со силен ветер.

Освен дожд, снег во овој момент врне на планината Водно, но и сите околни повисоки места во Скопје.

Од УХМР за во текот на ноќта најавуваат дека ќе има услови во делови од котлината врнежите од дожд да преминат во снег.

Од управата издадоа и актуелно предупредување за во следните денови:

Под влијание на влажен бран денес попладне ќе има врнежи од дожд, а на планините од снег. Кон крајот на денот и во текот на ноќта врнежите ќе преминуваат во снег и во некои од пониските места.

Пообилни врнежи ќе има во западните и северните делови, каде ќе се формира нова снежна покривка(15-25см), а помала снежна покривка ќе се формира и во останатите делови, освен во Повардарието каде врнежите ќе бидат претежно од дожд.

Ќе дува засилен, повремено силен северен ветер(над 70км/час).