Пратеникот од ДУИ, Исмаил Јахоски е хоспитализиран на Инфективната клиника.
Веста што првично ја објави „Zyrtare.net“ повикувајќи се на извори блиски до партијата, за „360 Степени“ ја потврди извор од здравствените власти.
Пратеникот бил примен во болница синоќа со висока температура.
Јахоски пред да влезе во Собранието неколку мандати беше градоначалник на општина Пласница, а пратенички мандат доби како втор кандидат на листата на владејачката ДУИ во петтата изборна единица, веднаш зад спикерот Талат Џафери.
