Европската радиодифузна унија (ЕБУ) соопшти дека пејачот Дамиано Давид од италијанската рок група „Манескин“ која синоќа победи на Евровизија, доброволно ќе направи тест за дрога по враќањето во Италија.
На еден кадар од синоќешниот ТВ-пренос, гледачите забележаа дека се чини оти Давид шмрка кокаин од масата, иако никаде не се гледа кокаинот. На кадарот се гледа како Давид се наведнува на масата, а за тоа тој вели дека се наведнал оти еден од членовите на бендот скршил чаша крај неговите нозе.
#Eurovision #italy #maneskin #coke #cocaine pic.twitter.com/eYYcEhF425
— Crypt Titulaer (@Crypt_Titulaer) May 22, 2021
На прес-конференцијата после шоуто, Давид строго негираше дека се дрогира.
„Томас скрши чаша. Јас не користам дроги“, рече тој.
„Подготвени сме да бидеме тестирани. Ништо не криеме“, напишаа тие.
ЕБУ преку соопштение пренесе дека се свесни за шпекулациите кои се појавија по видеоклипот, и дека уште синоќа побарале од победниците да бидат тестирани, но тоа не можело технички веднаш да се организира.
„ЕБУ може да потврди дека има парчиња од скршено стакло под масата. Ние и понатаму внимателно ја прегледуваме снимката и ќе излеземе со нови информации“, велат тие.
“I don’t of drugs….No cocaine please, don’t say that”.
Italy’s #Eurovision lead singer when asked about the video circulating of him appearing to sniff something off the table on live TV.
— Megha Mohan (@meghamohan) May 22, 2021
