Поранешниот српски фудбалски репрезентативец Душко Тошиќ е позитивен на коронавирус, а како што дознава Б92.нет не е во болница и неговата здравствена состојба е стабилна.
Извор близок до фудбалскиот менаџер откри дека Душко Тошиќ моментално е во изнајмен стан, каде што е изолиран. Како што пренесуваат српските медиуми, почетокот на пневмонија кај Тошиќ не барала хоспитализација.
Да потсетиме, неговата сопруга Јелена Карлеуша на 7 јануари го пријавила во полиција тврдејќи дека Душко ја удрил двапати по лицето и ја плукнал. Тошиќ потоа отишол во полициската станица Савски Венац каде дал изјава, а потоа и се обратил на јавноста, демантирајќи дека ја удрил сопругата и рече дека имало само расправија.
