Ѕвездата од серијата „Пријатели“, Џенифер Анистон објави на социјалната мрежа Инстаграм фотографија од нејзин пријател кој се лекува од коронавирус.
Со тоа ги вознемири нејзините фанови, но тоа беше и нејзината цел. Да ја крене свесноста!
На фотографијата е нејзиниот пријател Кевин, кој поради Ковид 19 неколку денови е во болница.
„Ова е нашиот пријател Кевин. Совршено здрав, ниту еден здравствен проблем. Ова е Ковид. Ова е страшно. Не можеме да бидеме толку наивни да помислиме дека ова можеме да го надминеме. Ако сакаме ова да заврши, а сакаме зар не, еден чекор кој можеме да преземеме, ве молам, носете маски“, напишала актерката под фотографијата.
„Направте го тоа за своето семејство, а најмногу за вас. Ковид ги напаѓа сите старосни групи“, напишала Џенифер Анистон и додала дека фотографијата е направена на почетокот на месец април и дека Кевин сега се опоравува од корона вирусот.
