Како што се пишуваше утрото после инцидентот, Младен Војичиќ Тифа и Ален Исламовиќ,се степаа во стариот град во Будва, после настапот на Бјело Дугме.
Како што пишуваа медиумите на први јануари, Ален Исламовиќ и Младен Војичиќ Тифа физички се пресметаа откако заврши концертот на Бјело Дугме во Будва, во ноќта на 31 декември.
Иако од повеќе страни беше потврдено дека до тепачка дошло и било жестоко. Ален и Тифа демантираа дека тоа се случило, а истото го направи и менаџерот на Бјело Дугме, Адис Гојак.
Меѓутоа, неделникот Скандал дојде до ексклузивна снимка од оваа пресметка, на која јасно се слуша како Ален и Тифа пцујат, а потоа и како Тифа со глава го удира Ален, кој потоа му враќа со шутирање.
Инаку, менаџерот на групата кажа дека Тифа при симнувањето од бината се лизнал, а дека Ален стоел и го подбутнал, како и дека почнал да пцуе, што е нормално.
Од друга страна, Ален призна дека не е во добри односи со Тифа, но повторно тврдејќи дека до тепачка не дошло.
-Тоа се глупости. Работно сме во добри односи, приватно не сме. Немојте да ме прашувате ништо за тоа, навистина не можам да зборувам, кажа Исламовиќ.
-Нема ништо од тоа. Се е тоа празна приказна, кажа Ален за црногорските медиуми.
Меѓутоа, исечоците од снимките го докажуваат спротивното. Погледнете како изгледало тоа.
