Познато е дека фудбалерот Немања Гудељ и пејачката Анастасија Ражнатовиќ веќе подолго време уживаат во љубовта, а сега на површина исплива уште еден доказ колку тој ја сака сопругата.

Покрај фудбалот, големата страст на Немања се и тетоважите, па цртежите на неговото тело не можат ни да се избројат, но еден од нив се издвојува бидејќи е посветен на Анастасија.

На телото на фудбалерот има три крста, Мики Маус, палка, цртан лик на мачка од цртаниот филм „Том и Џери“, ликови на членови на семејството: мајката Оливера, таткото Небојша, братот Драгиша, сестрата Вања, разни спортски мотиви, дури и името на неговиот мексикански шофер и има уште многу симболи кои се од големо значење за Немања. Тешко е да се наведат сите.

Некои тетоважи се направени додека играл во Холандија, некои во Шпанија, а една од поновите е посветена на Анастасија Ражнатовиќ.

Имено, успешниот фудбалер летово тајно и го кажал судбоносното „да“ на пејачот, а потоа го истетовирал знакот бесконечност под левото уво со иницијали „Н“ и „А“.

Очигледно е тоа омилен симбол и на двајцата, бидејќи често го оставаат во љубовните објави кои си ги испраќаат на профилите на Инстаграм.