За семејството Гудељ, 2023 година е секако една од најтурбулентните што ги доживеале досега. Сведоци сме на тешките моменти кога Немања и Анастасија го загубија своето бебе. Ќерката на Цеца беше во петтиот месец од бременоста кога дозна дека срцето на нејзината ќерка престанало да чука од непознати причини.
Сепак, тоа е само една во низата трагедии на ова познато семејство. Оваа пролет, во светските медиуми одекна веста дека Драги Гудељ среде игра падна на теренот и за момент престана да дише. Братот на Немања преживеа само поради брзата и навремена реакција на лекарскиот тим на неговиот клуб, но дури откако му се стабилизираше состојбата, го чекаа нови битки.
View this post on Instagram
Помладиот Гудељ мораше да оди на опсежна терапија, не се знаеше дали некогаш повторно ќе заигра во дресот на Кордоба, но неговата сила на умот и младоста го совладаа злобниот противник. Побрзо отколку што можеше да замисли лекарската фела, Драги застана на нозе и од оваа сезона повторно ги брани боите на својот омилен клуб, каде што се истакнува како еден од најдобрите играчи во тимот.
По тој повод Драги Гудељ прими награда, а сето тоа го сними неговиот постар брат, кој е многу горд на него.
Иако Немања и Анастасија не можеа да го бодрат од трибините, тоа го направија пред малите екрани, а Гудељ го сподели моментот на доделувањето на наградата на Инстаграм.
Честитките почнаа да се нижат, а веруваме дека можеби ова ќе биде повод да стивнат страстите во семејството и мајката на Немања конечно да ја прифати неговата и љубовта на Анастасија, понесена од убавите настани кои дојдоа како сонце по многу дожд.