Пејачот Саша Матиќ пред неколку дена објави нов албум со кој прославува две децении музичка кариера. Песните веќе имаат милионски прегледи, а една од нив е и посебна за пејачот.
Имено песната „Небитно“ е последната композиција на Марина Туцаковиќ која му ја дала на пејачот еден месец пред да почине.
-Марина беше генијална, но и беше отежнат говорот во последните месеци, скоро и да не можеше да зборува. Ми рече дека има текст за мене, таа беше царица и најдобра жена на овој свет, немаше среќа Бог да ја поживее уште малку. Чест ми е што имам уште еден нејзин печат на овој албум за овие десет години. Жената до последните денови работеше, толку беше полна со дух и позитивна енергија, што милион пати прашав од каде толкава енергија во неа, засекогаш ќе ми биде во срцето, вели Саша Матиќ.