Неодамнешниот учесник на музичката талент шоу програма „Ѕвездите на Гранд“ Срѓан Симиќ го привлече вниманието на многумина поради необичниот стајлинг и фризури што ги има на сцената, а малкумина знаат дека тој всушност постојано носи перики.
Симиќ, инаку, кога се исклучуваат камерите, а тој е далеку од сцената, всушност има кратка црна коса, иако и во секојдневието се држи до впечатливиот стил на облекување.
Тоа што ја натера публиката да го засака уште повеќе е неговата храброст да остане свој и различен во текот на повеќемесечната борба на сцената.
-Немам некоја посебна инспирација за мојот стајлинг, некако природно работам на себе. Дизајнирам облека, избирам песни и го смислувам својот изглед, иако не се трудам премногу во тоа, објасни Симиќ и на крајот ја откри мистеријата на косата.
-Морам да разочарам многу девојки, ова не е мојата природна коса. Таа беше само во првиот и вториот круг, но промените доаѓаат сами по себе, па мораме да ги симнеме периките (се смее), се пошегува неодамна Симиќ.