Кристијано Роналдо не успеа да ја продолжи кариерата во Европа и неодамна се пресели во Саудиска Арабија каде потпиша договор со Ал Наср.
Годинава на неговата сметка ќе пристигнат околу 200 милиони евра кога на платата ќе му се додадат сумите што ќе ги добива од маркетиншки права.
View this post on Instagram
Покрај договорот кој ќе го зголеми неговото огромно богатство, португалската ѕвезда доби и посебен подарок за потпишувањето на договорот со клубот. Производителот на луксузни часовници „Jacob & Co“. му направил рачен часовник кој е тесно поврзан со неговиот трансфер во Ал Наср. Тоа се нарекува „Caviar Flying Tourbillon Tsavorite“.
Специјално направен за Роналдо од бело злато, серија скапоцени и полускапоцени камења и со нараквица од кожа од алигатор, часовникот не е достапен за слободна продажба, но се проценува дека би достигнал цена од околу 800.000 евра. Зелената боја оддава почит на бојата која доминира на знамето на Саудиска Арабија.