Португалецот со челична дисциплина и вонсериски талент за фудбал го воодушевува светот години наназад.

Роналдо е најголемото име на поле спорт глобално. Својата кариера ја започна уште од 14-годишна возраст и брзо се лансираше во ѕвездите, каде е со години.

Португалскиот фудбалер е познат по највисокото ниво на професионализам на и надвор од терените и е совршен идол на многу генерации низ целиот свет.

Од најмлади до најстари, зошто сите го обожаваат Роналдо:

Тој е харизматичен и одлично изгледа.

Не се плаши да направи „будала“ од себе и прифаќа шеги на негова сметка.

На 15 години имаше проблем со срцето, кој беше закана за неговата кариера и живот, но по една ризична операција одлично закрепна и оттогаш ни сервира неверојатна фудбалска игра.

Го сакаат во секој фудбалски клуб каде што оди.

Постигнува неверојатни резултати, а знае и да пушти солза ако изгуби значаен натпревар, особено за неговата родна Португалија.

Има совршена игра, која многумина ја нарекуваат поезија во движење.

Може да се спореди само со Меси, Зидан, Марадона и Пеле. Постигнува голови од огромна далечина, дури и со глава, знае како да се движи и неговата комплетна игра на теренот е нешто невидено.

Има постигнато огромен број на пенали, кои, иако технички изгледаат лесно, се огромна задача на психолошко ниво.

Знае да шутира на милион начини и голманот од спротивниот тим никогаш не знае со што може да се соочи.

Не е себичен, како што некои велат, затоа што статистиките покажуваат дека тој има огромен број на асистенции при натпреварите.

Обожава да победува и мрази да губи и тоа јасно го покажува.

Се извинува за своите грешки.

Тој е перфекционист и во една пригода изјави дека неговите соиграчи не биле на највисоко можно ниво. Потоа се извини за критиката и кажа дека само го сака најдоброто за тимот.

Импресивно е колку напорно тренира секој ден.

Тој има невидена дисциплина и затоа ја има оваа форма на најдобар играч. Секој ден трча, прави кардио, вежба во теретана по 3, 4 часа на ден, а плус тоа оди да тренира со тимот.

Тој е добар татко и пријател.

Неговиот татко бил алкохоличар и тој се труди навистина неговите деца да растат на поинаков начин, опкружени со многу љубов и внимание. Не заборава и на својата мајка и останатото свое семејство и секогаш одвојува време и финансии за нив.

Тој е дефинитивно еден од најхуманите спортисти во светот и дава милиони евра во добротворни цели.