Карло Анчелоти веќе долго време е на големата сцена каде има забележано огромни успеси како тренер со тоа што последниот беше викендов каде прослави лигашка титула со Реал Мадрид.

Со тоа дон Карло стана прв стратег во историјата со пехари во најсилните пет шампионати во Европа и тоа Шпанија, Англија, Италија, Франција и Германија. Пред Италијанецот се уште предизвици со „кралевите“, но тој откри дека веќе размислува за пензија, повлекување по крајот на оваа епизода на „Сантијаго Бернабеу“.

-По Реал Мадрид, најверојатно ќе престанам да работам како тренер. Ama не знам колку ќе биде, ако Реал планира да ме задржи уште 10 години, тогаш јас ќе бидам тренер уште толку долго, -рече Карло кој кратко проговори за тоа што сака да прави во иднина.

-Како ја гледам мојата иднина? Откако би сакал да бидам со моите внуци и да одам на подолг одмор со сопругата, има толку многу работи што би сакал да ги правам за што немам време во моментов. Никогаш не сум бил во Австралија или Рио де Жанеиро. Сега не ја посетувам сестра ми колку што сакам. За жал, не можете да постигнете сè одеднаш… но кога веќе не сум тренер, тоа се работите на кои сакам да се посветам, -порача предводникот на шпанскиот великан.