Тренерот на шпанскиот фудбалски клуб Реал Мадрид Карло Анчелоти објави дека повредата на Лука Модриќ не е сериозно и дека би требало да биде подготвен фудбалерот за врска за пресметката со Бетис идниот викенд во рамките на третото коло во шпанскиот фудбалски шампионат, пред паузата за репрезентативните мундијалски квалификации.
„Модриќ на вчерашниот тренинг почувствува мал проблем, сега точно не можам да кажам со сигурност дека ќе игра со Бетис, ама мислам дека ќе игра зашто не станува збор за нешто сериозно“, објави Анчелоти.
Во Хрватска и на селекторот Златко Далиќ им олесна после ваквите информации, зашто „коцкестите“ во периодот од 1 до 7 септември ги чекааат три исклучително тешки пресметки во битката за место на СП во Катар наредната година, со Русија, Словачка и Словенија.