Капитенот на фудбалската репрезентација на Велс Герет Бејл испрати закана до разиграната Италија која досега покажа најубедлив настап на Европското првенство со две победи од по 3-0 над Турција и Швајцарија.
„Имаме победнички менталитет и така сакаме да продолжиме. Да се обидеме да ја совладаме Италија среде Рим, да ја освоиме групата, тоа е нашата цел за да имаме успешно првенство. Иако противникот практично игра дома, ние ќе пристапиме на овој меч како и на секој друг, нормално дека ќе дадеме максимум за да оствариме победа. Самиот настап на ЕП треба да биде мотивација за секој играч, а ако тоа не е доволно, тогаш не треба да си дел од овие големи натпреварувања“, посочи Бејл.