Француската фудбалска репрезентација мораше да вложи сериозни напори за на крајот да освои барем бод во пресметката со еден од домаќините на Европското првенство.
„Пушкаш Арената“ е стадионот кој повторно ги разбуди емоциите кај сите фудбалски фанови поради тоа што нема никакви Ковид рестрикции во Унгарија, па така речиси 70-илјадната публика во Будимпешта одново уживаше во извонреден фудбалски натпревар.
Вистинска еуфорија настана на трибините кога Фиола погоди за водство од 1:0 пред крајот на првото полувреме, погодок кој дополнително ги осоколи Унгарците да веруваат во чудо и уште посплотено да се бранат од налетите на моќната Франција.
Антоан Гризман израмни на 1:1, но Унгарците успеаја да одолеат во продолжение и го освоија првиот бод на турнирот кој на големо се славеше на „Пушкаш Арената“ во унгарската престолнина.