Менаџерот Јирген Клоп најави дека Ливерпул во следниот период нема да купува играчи кои не се вакцинирани против Ковид-19.

Клоп рече дека протоколот во Премиер лигата за невакцинирани играчи е комплициран, па Ливерпул повеќе би сакал во тимот да има играчи кои се вакцинирани против коронавирус.

„Ми беше поставено ова прашање на последната прес-конференција и не размислував за тоа, да бидам искрен. Веројатно моја вина, бидејќи очигледно не сме блиску до доведување играчи. Но, оттогаш размислувам за тоа и да, тоа ќе биде фактор кој ќе влијае на купувањето играчи “, изјави менаџерот на „црвените“.

„Ајде да размислиме за нашата ситуација. Ако некој играч не е вакциниран, тој е постојана закана за сите нас. Тој не сака да биде закана, се разбира, не мисли: „Боже, јас не се грижи за другите.’ Но така е. Значи треба да се најдат различни сценарија. Тој треба да се пресели во друга соблекувална, мора да јаде во друга соба, мора да користи друг автобус, мора да патува секаде со друга кола. Од организациона точка на гледање, тоа е вистински хаос. „Неверојатно е тешко да се направи. Ако треба да патуваме во земја за меѓународни натпревари, мора да се изолираме кога ќе се вратиме“, додаде Клоп.

Така, Клоп стана првиот тренер кој јавно кажа дека не сака играчи кои не се вакцинирани во неговиот тим, но се чини дека Германецот го има секое право, особено кога загрижувачките бројки на заразени и починати од коронавирус во светот од пандемијата.

Вирусот повторно се шири во Англија, па во последно време беа откажани голем број натпревари.