Роберт Левандовски, еден од најдобрите стрелци во историјата на германската лига, веројатно се прости од Бундеслигата на денешниот натпревар, на кој постигна гол за Баерн против Волфсбург.

Левандовски ја завршува сезоната како водечки стрелец постигнувајќи 35 гола, а вкупно во сите натпреварувања до денеска постигна 50 гола. „Благодарност до моите соиграчи и тренерот за целата сезона“, објави Левандовски на социјалните мрежи по натпреварот.

„Ова веројатно беше мојот последен натпревар за Баерн. Сѐ уште не можам да кажам со сигурност, но веројатно е“, изјави полскиот напаѓач по натпреварот во кој ја освои наградата за најдобар стрелец во лигата. Тоа е негов седми трофеј за најдобар стрелец во кариерата, поставувајќи го рекордот на Герд Милер. Во исто време, Полјакот пушти неколку солзи додека гледачите од трибините му упатија овации.

Huge thanks to my Teammates and Coach for the entire season! 🙌⚽ @FCBayern#RL9 #Bundesliga 🏆 pic.twitter.com/1iUxRUZUfO

— Robert Lewandowski (@lewy_official) May 14, 2022

Спортскиот директор на Баерн, Хасан Салихамиџиќ, во пресрет на овој натпревар изјави дека Левандовски не ја прифатил понудата што му била дадена од Баерн и дека дефинитивно ќе го напушти клубот. Тој е обврзан со договорот до јуни 2023 година, но можно е летово да замине, најверојатно во Барселона.