Францускиот претседател Емануел Макрон го поддржа напаѓачот на репрезентацијата Килијан Мбапе по елиминацијата на „триколорите“ од ЕВРО 2020. Франција загуби во понеделникот од Швајцарија во осминафиналето (3:3, на пенали 4:5).
Политичарот му напишал порака на 22-годишниот напаѓач со зборови на поддршка, пренесува „РМЦ Спорт“, повикувајќи се на „Ле Паризиен“.
За потсетување, напаѓачот на Пари Сен-Жермен, не го реализираше решавачкиот пенал на мечот со Швајцарија. Мбапе ниту еднаш не се запиша во листата на стрелците на четирите натпревари на Франција на Евро 2020.