Информациите што доаѓаат од Англија велат дека Манчестер Сити е сериозно заинтересиран да го доведе во својот табор Хрватот Матео Ковачиќ.
28-годишниот фудбалер е еден од најдобрите поединци на грогираниот Челзи, а се вели дека лично Пеп Гвардиола посакал да го види плејмејкерот во редовите на „граѓаните“.
Шпекулациите кажуваат дека актуелниот капитен на Сити, Илкај Гундоган е на излезните порти во Манчестер и веќе има пред-договор со Барселона, а Гвардиола го гледа Ковачиќ како идеална замена за германскиот репрезентативец.
Матео Ковачиќ дојде во Челзи во 2015 година и одигра 140 натпревари за сините. Хрватскиот фудбалер е четирикратен освојувач на Лигата на шампионите, трипати со Реал Мадрид и еднаш со Челзи.
