Оваа седминца ќе ги добиеме и преостанатите патници во четвртфиналето во Лигата на шампионите, а еден од дуелите кој предизвикува најголемо внимание е оној меѓу Реал Мадрид и Ливерпул.

„Кралевите“ остварија фантастичен резултат на „Енфилд Роуд“ и дојдоа до победа од 5-2 иако губеа со 2-0 на овој меч. Предноста од три гола е голема, но мора да се одработи задачата на „Сантијаго Бернабеу“ и затоа во таборот на Реал се многу внимателни пред натпреварот закажан за в среда од 21 часот.

-Таа вечер во Ливерпул беше една од најзначајните во мојот спортски живот. Беше уникатен момент за мене, победивме 5:2 и постигнав гол. Сепак, Ливерпул има добар тим, не сакаме да има изненадување во Мадрид, -рече дефанзивецот Едер Милитао кој издвои две имиња од премииерлигашот.

-Мохамед Салах е во форма, секогаш опасен и е многу мотивиран против нас. Роберто Фирмино повторно постигнува голови, така што не е ништо завршено додека не заврши натпреварот, -подвлече Бразилецот.

фото: https://twitter.com/CBSSportsGolazo