Во Ливерпул се свесни дека тешко ќе можат да го задржат Салах на Островот, пред се поради одличните услови кои му ги нуди клубот од Саудиска Арабија.
Клоп и раководството на Ливерпул не стојат со скрстени раце и веќе ја бараат замената за Салах. Изборот падна на репрезентативецот на Португалија, Жоао Феликс, кој е на излезна врата од Атлетико Мадрид.
Тој неодамна изјави дека сака да ја продолжи кариерата во Барселона, но понудата од Ливерпул може да го предомисли. Атлетико Мадрид е подготвен да го ослободи без обесштетување, само доколку фудбалерот се откаже од преостанатите плати од договорот, што веројатно ќе биде прифатливо и за самиот Феликс.