Хозе Мигел Поланко е момчето кое на својот Twitter профил објави објава во која ги информира луѓето дека Лео Меси ќе го освои овогодинешното Светско првенство во Катар многу пред тоа навистина да се случи.
Сè ќе беше помалку невообичаено доколку оваа објава не беше објавена пред седум години, кога дефинитивно не можевме да го тврдиме тоа со сигурност.
„18.12.2022. Лео Меси го освојува Светското првенство на 34 години и ќе стане најдобар играч на сите времиња. Јавете ми се за седум години“, напиша Хозе Мигел Поланко на 20 март 2015 година.
December 18, 2022. 34 year old Leo Messi will win the World Cup and become the greatest player of all times. Check back with me in 7 years.
— José Miguel Polanco (@josepolanco10) March 20, 2015
Секако, тогаш луѓето не обрнуваа многу внимание на неговата објава, но денес таа е вирална.
„Од каде го знаеше ова тогаш?“, „Ти си крал, се оствари“, „Честито“, му пишуваат луѓето.