Германија ќе биде голем фаворит на пресметката со Костарика и мора да размислува само за убедлива победа доколку сака пласман во осминафиналето.
Покрај притисокот за избраниците на Ханзи Флик, овој дуел ќе биде запаметен и по еден историски момент.
Германија и Костарика ќе го одиграат првиот мундијалски натпревар на кој правда ќе дели женски судија.
Ваквата чест и припадна на Французинката Стефани Фрапар, која доби навистина голема, но и заслужена шанса од судиската комисија на ФИФА.
Претходно, Фрапар влезе во историјата и како прва судијка која била делегирана на натпревар од Лигата на шампионите.
