Наполи се договори со Лучано Спалети да остане тренер на клубот до летото 2025 година, објави „Калчомеркато“, ставајќи крај на шпекулациите дека постои конфликт со претседателот Аурелио де Лаурентис.
Спалети во петокот навечер бил на вечера со Де Лаурентис и генералниот директор на клубот, Андреа Кјавели, каде што се договориле сите детали.
Клубот неодамна ја активирал клаузулата во договорот на Сплаети за да активираат продолжување до 2024 година, но според „Калчомеркато“, 64-годишниот тренер се договорил за зголемување на платата од 2.8 милиони евра на 3.5 милиони евра годишно.
Тие додаваат дека договорот ќе биде потврден на 18 мај, кога клубот ќе ги објави деталите за летната пред-сезона.
