Тимот на Брентфорд стигна до важна победа од 1:3 против Тотенхем во денешниот натпревар од Премиер лигата. За „петлите“ ова беше последен домашен натпревар во сезоната, а навивачите во него немаа причина за радост.
Играше Тотенхем денес само во првото полувреме кога Кејн постигна и еден фантастичен гол од слободен удар за водство. Создадоа фудбалерите на Тотенхем и уште неколку прилики, меѓутоа тој гол на Кејн беше единствениот во првото полувреме.
Во вториот дел играта на домаќините целосно падна, а Брентфорд знаеше тоа да го искористи и го сврти резултатот во своја корист. Ембуемо постигна два гола во 51-та и 62-та минута, додека при третиот гол во 88-та минута имаше улога на асистент.
Брентфорд со овие три бода е деветти со 56 бода и се уште има теоретски шанси за излез во Европа, но ќе мора да победи во последното коло против Манчестер Сити. Тотенхем е седми со 57 бода и се уште има шанси за Лига Европа, но минимални. Брајтон е шести со бод повеќе и два натпревари помалку, а со ист број на бодови како и Тотенхем е и Астон Вила која има еден натпревар помалку.
