Фудбалерот на Белгија, Тимоти Кастањ доживеа тешка повреда на натпреварот меѓу Русија и Белгија на Европското првенство, по дуелот со Кузјаев по што беше изнесен од теренот.
Тој доживеал тешка повреда во пределот на окото, за што сведочат и крвавите слики од теренот.
Кастањ се задравува во болница по тешката операција која траела шест часа, а докторите откриле дека ударот можел да биде фатален и да значи крај на кариерата на играчот на Белгија.
Операцијата била извршена во средата од 15 до 21 часот, а доколку ударот бил три сантиметри погоре, тоа би значела директна повреда на окото. Кастањ сега го чекаат најмалку осум недели мирување, а веројатно нема да биде подготвен ниту за почетокот на Премиер лигата идната сезона.
