Претседателот на Реал Мадрид, Флорентино Перез објави дека клубот следната година ќе го купи напаѓачот на Пари Сен-Жермен, Килијан Мбапе, соопшти „Directo Gol“.
Според изворот, Перез разговарал со навивачите по натпреварот од 7. коло на Шпанското првенство со Виљареал (0:0). За време на разговорот, еден од нив извика: „Претседателе, донесете го Мбапе!
„Следната година“, одговори Перез.
Сегашниот договор на Мбапе е со важност до 30 јуни 2022 година.
На 31 август беше објавено дека Реал Мадрид нуди 220 милиони евра за 22-годишниот Французин, но ПСЖ одби да го продаде.
Оваа сезона Мбапе одигра девет натпревари за тимот на сите турнири, постигна пет гола и направи четири асистенции. (МИА)