Селекторот на Србија, Драган Стојковиќ Пикси одржа медиумска конференција во Стара Пазова по болната елиминација од Светското првенство во Катар.
Конференцијата траеше дури 80 минути и Пикси трпеливо одговараше на новинарското прашање.
Ниту тука не заврши, па Стојковиќ по конференцијата остана во разговор со новинарите каде уште еднаш им порача дека никогаш нема да бега од одговорноста, ниту во добри, ниту во лоши времиња.
-Нема да бегам од одговорноста, ниту кога е добро, ниту кога е лошо! Поздрав до сите и се гледаме наскоро! – рече Пикси, а потоа ја напушти конференцијата.
