Денеска ќе се играат првите натпревари од осминафиналето во фудбалската Лига на шампионите, во Париз ривали ќе бидат ПСЖ и Баерн Минхен, додека Милан на „Сан Сиро“ ќе го пречека Тотенхем. Двата мечеви ќе започнат од 21.00 часот.
Парижаните некако го плаќаат цехот на Мундијалот во Катар, Лионел Меси кој ја освои светската титула се приклучи дури на почетокот на јануари, имаше проблеми со повреда на мускулот. Тој беше знак прашалник за денешниот меч на „Паркот на принцовите“, но се опорави, како и Килијан Мбапе, па и двајцата се меѓу повиканите играчи за натпреварот. Само тренерот на ПСЖ Кристоф Галтје знае колку можат двајцата да придонесот и дали ќе играат од првата минута.
We’re back. #UCL pic.twitter.com/lToC6QdktW
— UEFA Champions League (@ChampionsLeague) February 13, 2023
Баварците во Париз дојдоа без Садио Мане, кој не го помина фитнес тестот и ќе чека да се врати на теренот. Тренерот на германскиот шампион Јулијан Нагелсман е задоволен од подобрувањето на формата на целата екипа.
Овие два тима до сега имаат одиграно осум натпревари во европските купови, петпати победија Баварците, а трипати парижаните. Тие се сретнаа во финалето на Лигата на шампионите во 2020 година и Баерн победи со 1:0 со голот на Кингсли Коман во 59 минута.
Bayern have won three of the last four meetings against Paris…#UCL pic.twitter.com/nZJFewrcnf
— UEFA Champions League (@ChampionsLeague) February 13, 2023
Потсетување дека финалето оваа сезона во ЛШ ќе се игра на 10 јуни на стадионот „Ататурк“ во Истанбул, Турција.
Лига на шампиони, осминафинале (први натпревари)
Денеска, двојки –
ПСЖ – Баерн Минхен 21.00 часот
Милан – Тотенхем 21.00 часот
