Реал попладнево официјално го потврди трансферот на Лука Јовиќ, Србинот се сели во Мадрид во зделка вредна 60 милиони евра плус уште додатни 5 милиони во бонуси.
Она што се најавуваше претходниот месец, денеска и официјално е потврдено. Лука Јовиќ се сели во Мадрид.
Реал испрати официјално соопштение и пренесе дека се е договорено со Ајнтрахт, играчот добил договор до 2025 и треба само да ги помине лекарските прегледи.
Детали од зделката не беа откриени, но медиумите пишуваат дека се работи за трансфер вреден 60 милиони евра, плус додатни 5 милиони во бонуси.
Од зделката ќе се офајди и Бенфика, според едни извори, клубот од Лисабон треба да добие 20% од оваа сума, но има и стории кои велат дека дури 30% им припаѓат на „орлите“ и во нивната каса ќе се слеат 18 милиони евра.
? #WelcomeJovic pic.twitter.com/moSEJGg8d8
— Real Madrid C.F.⚽ (@realmadrid) June 4, 2019
