Цела Хрватска синоќа беше на нозе по историскиот пласман на „коцкестите” во полуфиналето од Светското првенство.
А, за тоа, освен со своите игри, фудбалерите придонесоа и со огромните срца. Најдалеку отиде Марио Манџукиќ кој во договор со угостителите од својот роден Славонски Брод уплати 25 илјади куни (околу 3,5 илјади евра) за по една тура пиво за сите навивачи кои ќе ги гледаат натпреварите во нивните локали.
Да биде нивното задоволство поголемо, Манџукиќ повторно беше фантастичен, асистираше за првиот гол на Хрватска и се бореше како лав на теренот во Сочи.
