На натпреварот од десеттото коло во холандскиот фудбалски шампионат помеѓу АЗ Алкмар и Нијмиген, во 87. минута додека домашните играчи напаѓаа, на теренот колабираше Бас Дост (34), напаѓачот на гостинската екипа.
Судијата тоа не го забележал веднаш, ниту му било посочено. Акцијата кон голот на Нијмиген продолжи уште десетина секунди, а потоа сите сфатија дека Дост лежи на теренот.
AZ Alkmaar – NEC Nijmegen maçında Bas Dost bir anda yere yığıldı, çevresi sarıldı.
Kötü bir şey olmamasını umuyoruz 🙏🏻 pic.twitter.com/TloFLSGT4n
— Football Critix (@footballcritix) October 29, 2023
Фудбалерите на двата тима направија жив ѕид околу Дост. На теренот веднаш влегле медицински екипи, по што тој бил изнесен во свесна состојба, што го потврдил со подигнување на палецот додека лежел на носилката.
❌ #AZ – #NECNijmegen ist abgebrochen! Bast #Dost (NEC Nijmegen) ist kurz vor Spielende auf dem Platz zusammengebrochen und musste medizinisch versorgt werden. Dost ist inzwischen wieder ansprechbar und wurde vom Platz getragen.#AZNEC pic.twitter.com/yDf4OwAQof
— oranjefussball 🇳🇱 (@oranjefussball) October 29, 2023
Лекарите на терен донеле и дефибрилатор, но нема информации дали навистина го користеле.
-За среќа, ние во Холандија сме добро подготвени за вакво нешто. Тоа спасува животи. Никој од нас не знаеше што се случува додека судијата Јерун Маншот не рече дека Дост дава знаци на живот. Мислам дека Бас имаше многу среќа, изјави директорот на НЕЦ, Вилко ван Шаик, за ЕСПН по натпреварот.
Bas Dost is taken off – solidarity all round in the stadium. The rest of the match is abandoned. @AZAlkmaar @necnijmegen #aznec pic.twitter.com/zhitNMkZIx
— Tom Moldoveanu (@tomapress) October 29, 2023
Тој кажа и дека таткото на Дост бил присутен на стадионот и дека Бас побарал тој да го напушти стадионот.
-Сакаше да и се јави на сопругата. Фактот што можеше да го стори тоа кажува нешто. Во соблекувалната беше тивко. После ова не можевме да играме фудбал. Одлично е како реагираше АЗ, никој не мораше да го споменува продолжението на натпреварот. Ми се допадна и реакцијата на сите на стадионот, тоа е голема работа во фудбалот. Да се надеваме дека наскоро ќе биде подобро. Фудбалот веќе не е важен, ова остави впечаток на сите нас. Басот е во добри раце, тоа е најважното, додаде директорот на НЕЦ.
Натпреварот беше прекинат. Гостите водеа со 2:1, а Дост погоди во 11. минута и асистираше во 38. минута.
