Напаѓачот на Манчестер јунајтед, Кристијано Роналдо одлетал во Португалија кога сфатил дека ќе го пропушти натпреварот од 28. коло на англискиот шампионат со Манчестер сити (1:4).

Според „The Athletic“, одлуката на 37-годишниот Португалец да одлета дома ги шокирала играчите и раководството на англискиот клуб, со оглед на значењето на средбата со Манчестер сити.

Се забележува дека играчите на Манчестер јунајтед верувале дека присуството на напаѓачот на натпреварот може да биде корисно поради неговиот статус и важност во тимот.

Да потсетиме дека Роналдо не беше вклучен во составот за натпреварот поради повреда на колкот.

По 28 кола во Премиер лигата, Јунајтед има освоено 47 бодови и се наоѓа на петтото место на табелата, со 22 бода помалку од лидерот Сити.

Оваа сезона Роналдо на 29 натпревари за Манчестер јунајтед постигна 15 гола и креира три асистенции. Неговиот договор со клубот од „Олд Трафорд“ е до 30 јуни 2023 година.