Црногорската Будуќност официјално соопшти дека се засилува со одличен кошаркар кој пристигнува од редовите на италијанскиот Варезе.

Се работи за Колби Рос, кој минатата сезона беше МВП на италијанската лига и се очекува тој да биде еден од носителите на играта во црногорскиот тим.

Минатата сезона беше навистина одлична за Американецот кој имаше феноменален просек од 17,5 поени, 7,5 асистенции и 4,4 поени по натпревар. Овие бројки беа доволни за да го добие признанието за најкорисен кошаркар во лигата и со одлично резиме позади себе пристигнува во Подгорица.

Будуќност продолжува со одличните трансфер-потези и создава моќен тим за следната кампања. Во тимот веќе пристигна и плејмејкерот на Далас Маверикс, Мекинли Рајт, и сега може да се каже дека Црногорците ќе имаат страшен тандем на бековските позиции.

Одлични вести за навивачите на црногорскиот АБА-лигаш, а очекувањата од новите предизвици сигурно ќе бидат големи. Во тимот претходно пристигнаа уште Марвин Џонс, Алерик Фримен, Џакори Вилијамс, Андрија Славковиќ и Флечер МекГи.