Тренерот на Цедевита Олимпија, Јурица Големац ја одби поканата на Кошаркарскиот сојуз на Хрватска да стане нов селектор на националниот тим.
„Секако дека е убаво да се добие таков повик, но јас не сум тип на тренер кој би седел на две столчиња. Не би можел да бидам 100 проценти овде или таму. Се уште не сум доволно искусен за тоа“, изјави Големац за РТВ Словенија.
Големац во својата тренерска кариера работеше како асистент во Цибона и во грузиската репрезентација, додека улогата на шеф на стручниот штаб ја извршуваше во Тајфун, Копер Приморска и Цедевита Олимпија.
