Во просториите на Општина Гевгелија, градоначалникот Андон Сарамандов ги дочека репрезентативците на Македонија.

Сениорите се појавија на приемот, поразговараа со градоначалникот и потоа продолжија со своите задолженија. Сарамандов изрази задоволство за оваа средба и за фактот дека во Гевгелија се играат два натпревари.

„Чест и задоволство ми е што Гевгелија и спортската сала „26 април” ќе бидат домаќини на двата натпревари со Норвешка, на 10 ноември, и Данска, на 13 ноември, во рамките на претквалификациите за Европското првенство. Им посакувам успех и победа на претстојните натпревари во Гевгелија“, порача градоначалникот Сарамандов.

Избраниците на Јончевски се подготвуваат за натпреварите со Норвешка и Данска во претквалификациите за Европското првенство.

Првиот дуел со Норвежаните е закажан за десетти ноември, додека три дена подоцна е мечот со Данска.