Нов селектор на италијанската кошаркарска репрезентација ќе биде Џанмарко Поцеко, пренесува престижниот кошаркарски портал „Спортандо“.
Поцеко ќе потпише договор со Кошаркарскиот сојуз на Италија до 2024 година, а на клупата на „аѕурите“ ќе го наследи Ромео Сакети со кого беше раскинат договорот.
Поцеко е асистент на Еторе Месина во Олимпија од Милано, а по завршувањето на сезоната ќе ја преземе италијанската репрезентација.
Досега ги водеше Динамо Сасари, Фортитудо, Варезе и Орландо, а беше асистент во Цедевита.
