Светот втор ден е во неверување по веста дека легендарниот кошаркар Коби Брајант загина во хеликоптерска несреќа на 41 година заедно со својата 13 годишна ќерка.
И додека светот се опростува од легендата, светските медиуми се потсетуваат на легендата и неговиот однос кон неговата сопруга Ванеса со која беше во брак точно 20 години.
Ванеса (37) и Коби (41) имаа четири ќерки,Наталија (17), Џиана (13), Бјанка (4) и Капри која е родена во јуни минатата година, а неодамна одбележаа и 20 години откако прв пат се запознале кога биле во средно училиште.
View this post on Instagram
Кошаркарот пред само осум недели преку својот Инстаграм профил јавно и се заблагодари на сопругата.
-На денешен ден пред 20 години ја запознав мојата најдобра другарка и пријателка, мојата кралица Ванеса, решив да ја одведам вечерва на овој датум во Дизниленд за да се вратиме во детството и старите училишни денови.
Легендата не криеше ниту дека го обожуваше своето семејство и по своето пензионирање во 2016 година изјави дека е многу возбуден кога гледа како Бог го дарувал со семејство по затворањето на едно поглавје во неговиот живот, а тоа е пензионирањето.
парот се венчаше во 2001 година само шест месеци откако се запознале, а Ванеса тогаш имала 17 години, додека Брајант зад себе имал три сезони во НБА и 21 година.
