Грчки Олимпијакос е последниот патник на фајнал-фор турнирот во кошаркарската Евролига. Тимот од Пиреја во мајсторката вечерва беше подобар на домашен терен од француски Монако со 94-88.
Меккисик со 18 поени беше најефикасен во победничкиот табор, додека кај поразените не беа доволни ниту 24 поени на Мајк Џејмс.
Претходно пласман на Ф4 турнирот во Белград обезбедија екипите на Реал Мадрид, Анадолу Ефес и Барселона. Фајнал-фор турнирот ќе се одигра во периодот од 19. до 21. мај во „Белградска арена“.
