По откажувањето на ФМП Академија, екипата на Феникс кошаркарската сезона ќе ја продолжи во Суперлигата, но без еден од најдобрите кошаркари.
Тренерот Денис Дервишевиќ во разигрувањето за титулата нема да може да смета на услугите на одличниот Двејн Морган. Моќниот крилен центар беше еден од најдобрите кошаркари на новајлијата во Првата лига, но сезоната ќе ја заврши во редовите на ТФТ Скопје. Трансферот на американскиот кошаркар го потврди и освојувачот на Купот на Македонија.
Морган за Феникс одигра 22 натпревари оваа сезона со одличен просек од 18,0 поени и 7,6 скока. Неговото деби за новиот клуб се очекува да биде викендов кога ТФТ ќе се сретне со најдобриот тим од првиот дел од шампионатот, битолски Пелистер.
