Македонскиот кошаркарски репрезентативец Ти-Џеј Шортс го заврши месец октомври како најдобар стрелец и прв асистент во француската ЛНБ, поради што сосема заслужено е еден од четворицата номинирани за најкорисен играч.
Шортс запиша 15,6 поени и девет асистенции по натпревар за својот Париз баскетбол, со што води и во двете категории во лигата.
Сепак, тоа не го прави најдобар и според индексот на корисност, туку таму е втор, со индекс 19,6, единствено зад бекот на АДА Блуа, Милан Барбич (индекс 23,2).